Öflugt starf er í Sólheimakirkju og eru guðþjónustur annan hvern sunnudag allt árið. Kirkjuskóli er í Sólheimakirkju og er hann rekin í samstarfi við Mosfellsprestakall. Sólheimakirkja hefur einnig verið vel nýtt fyrir giftingar, skýrnir og fermingar. Unnið er að því að koma upp kirkjugarði við Sólheimakirkju og að því stefnt að hann verði formlega vígður á næsta ári.

Öflugt tónlistarstarf er í Sólheimakirkju allt árið og er fjöldi kóra sem heimsækir Sólheima og heldur tónleika í kirkjunni.  Á Menningarveislu Sólheima sem stendur frá byrjun júní og fram í byrjun ágúst eru tónleikar í kirkjunni alla laugardag.

• Prestur Sólheima er Sr. Birgir Thomsen.
• Það  eru allir velkomnir í Sólheimakirkju.
• Vígð 3.júlí 2005
• Arkitekt Sólheimakirkju er Árni Friðriksson hjá ASK arkitektastofu í Reykjavík
• Aðrir hönnuðir eru Jón Guðmundsson verkfræðingur og Þór Stefánsson rafmagnstæknifræðingur
• Fyrsta skóflustunga að Sólheimakirkju var tekin 30. júní árið 2000,
• af frú Magneu Þorkelsdóttur og dr. Sigurbirni Einarssyni biskupi.
• Framkvæmdir hófust í ágúst árið 2002.
• Kirkjan var vígð af Herra Karli Sigurbjörnssyni biskupi Íslands, þann 3. júlí árið 2005, á sjötugasta og fimmta afmælisári Sólheima.
• Sólheimakirkja er 238 m2 að stærð, rúmtak hennar eru 1160 m3.
• Veggir eru steinsteyptir með torfhleðslu að utan. Þak kirkjunnar er úr timbri klætt með þakpappa og rekavið. Burðarvirki í þaki eru límtré.
• Efnisval til byggingarinnar er í samræmi við þá stefnu Sólheima, að nota vistvæn efni.
• Kirkjan rúmar 168 manns í sæti niðri en á lofti er aðstaða fyrir 26 manns, samtals 194.
• Í anddyri er skrúðhús, fatahengi, salerni, ræsti- og tengiherbergi.
• Umsjón með smíði kirkjunnar höfðu þeir Agnar Guðlaugsson þáverandi framkvæmdastjóri Sólheima og Þorvaldur Kjartansson húsasmíðameistari.
• Kirkjan er í Mosfellsprestakalli. Sóknarprestur er Sr. Rúnar Þór Egilsson.
• Í nóvember 2004 var sr. Helga Helena Sturlaugsdóttir kölluð sem prestur til starfa að Sólheimum og þjónaði hún fram í september árið 2005.
• Í október 2005 var sr. Birgir Thomsen kallaður til starfa sem prestur Sólheima og hefur þjónað síðan.
• Kirkjan er fjármögnuð af Styrktarsjóði Sólheima með peninga og efnisgjöfum einstaklinga og fyrirtækja. Kirkjan var skuldlaus á vígsludegi.
• Eigandi og ábyrgðaraðili að rekstri kirkjunnar eru Sólheimar.