Starfsemi Brekkukots er margþætt en með megináherslu á framleiðslu á matvælum. Brekkukot sinnir rekstri á bakaríi, matvinnslu, mötuneyti, veitingasölu og ræstingaþjónustu á Sólheimum.

Nærandi er vörumerki afurða frá bakaríi og matvinnslu Sólheima en þar eru framleiddar afurðiir eingöngu úr lífrænt ræktuðu hráefni.

Nærandi, bakarí er lífrænt vottað bakarí. Á boðstólunum eru brauð, kökur og bökur sem eru snæddar í mötuneyti Sólheima og seldar  í Grænu Könnunni, Versluninni Völu og nokkrum verslunum á höfuðborgarsvæðinu

Í Næranda, matvinnslu eru framleiddar krukkuvörur eins og marmelaði, chutney, salsasósa o.fl. ásamt súpum og kryddolíum og allt úr lífrænt ræktuðu hráefni.

Auk núverandi vörulínu er stöðugri þróunarvinnu haldið áfram og nýjum vörum bætt við. Þess má geta að vörur frá Næranda fást í Frú Laugu og Versluninni Yggdrasi. Markmiðið er að bjóða vörurnar í sölu í fleiri verslunum á höfuðborgarsvæðinu ásamt í versluninni Völu og vera þar með leiðandi í framleiðslu á lífrænum matvælum í landinu

Mötuneyti Sólheima annast hádegisverð fyrir íbúa Sólheima alla virka daga. Daglega er boðið upp á kjöt eða fiskrétt auk grænmetisréttar auk þess er saltaborð með heimaræktuðu grænmeti yfir uppskerutímann.